Preguntanan haci varios biaha

Haci un escogencia:

1.Con mi ta pone un aviso?
Sigui e splicacion den e ‘planologia’ den e rubrica ayudo (links, na cabes di website)

2.Con mi ta pone un aviso di nobo?
Log in cu bo email addres y password y bay na e pantaya administrador di bo avisonan. Bou di e tab ‘archivo’ bo ta haya e avisonan caduca. Marca e aviso cu bo kier bolbe pone y primi riba ‘prolonga e aviso selecta.’  Controla den e rubrica ‘Avisonan mas nobo’ si e aviso berdaderamente a wordo poni di nobo. E aviso ta poni di nobo na cabes di e lista.

3.Con mi ta kita un aviso?
Via di ‘supervisa aviso’ bo por kita bo aviso. Despues di login bo ta yega directamenta na e pantaya di maneho. Akinan bo avisonan actual ta den un rij. Primi riba e bloki, na banda robes di e linea di aviso, di e aviso cu bo kier kita. Ta aparece un marca den bloki. Bou di e avisonan bo ta haya e texto ‘kita seleccion.’Primi akiriba y e aviso lo disparce di e pantaya di maneho di e website.

4.Con mi por adapta avisonan?
Via di e ‘Supervisa aviso’ bo por adapta bo avisonan facilmente, despues di login bo ta yega directamente den e pantaya di maneho na ‘poni.’ Aki bo avisonan actual ta poni den un rij. Busca e aviso cu bo kier adapta y primi e bloki cu strepi berde, na banda drechi di e linea di aviso.  Bo ta yega den e pantaya cu e formulario di specificacion. Adapta e datonan y controla si tur cos ta bon yena. E ora ey primi ‘warda.’Awor e aviso ta adapta y ta online.

5.Con mi ta traha un cuenta?
Pa pone y administra avisonan rubrico bo ta bay na e pantaya di login via ‘Pone avisonan’ of ‘Administra avisonan’ riba e pagina di inicio (na banda robes ariba). Den e pantaya di login bo ta yena e datonan pidi. Aki bo por duna bo propio password. Despues nos ta pidi un confirmacion di e password. Yena e combinacion di bo email address y password abou di e pagina di login y primi ‘login.’ E pantaya di maneho ta habri.

6. M’a lubida mi password. Con mi ta pidi esey di nobo?
Primi riba e pantaya di login riba e texto ‘lubida password?’ Bo ta haya e password manda riba e email address indica anteriormente.

7. Ken por pone un aviso rubrico particular riba ArubaDeal.com?
Tur habitantenan di Aruba bao di cual tambe e doñonan di un segundo vivienda na Aruba y personanan cu ta keda mas cu 60 dia tras di otro na Aruba, ta permiti di pone aviso rubrico particular gratis riba ArubaDeal.com.

8. Empresarionan por pone avisonan rubrico particular gratis?
Empresarionan Arubano of gerente tambe ta particularnan den nan tempo liber. Anto nan tambe por pone aviso gratis pa productonan y servicionan  cu no ta comercial, o sea relata na nan empresa of organisacion. Un aviso particular no mag di tin un caracter comercial, esaki evalua pa ArubaDeal.com. Mencion of integracion di nomber di empresa, logonan, websitenan comercial of number di telefon/fax di negoshi ta prohibi den e avisonan rubrico gratis. Tampoco no ta permiti pa referi, directamento of indirectamente, na un negoshi, club of institucion den avisonan particular.

9. Kico ta e costonan pa pone un aviso riba ArubaDeal.com?
Anuncia riba ArubaDeal.com ta completamente gratis pa particularnan. Tampoco nos no ta conta provision over di compra y benta.

10. Mi ta obliga pa pone mi email address disponibel?
Door di uza nos servicio di email bo persona ta haya notificacion di bitnan automaticamente riba avisonan. Tambe nos ta tene bo persona na altura di desaroyonan di ArubaDeal.com. Banda di esey bo lo haya posibelmente, mailnan di tercer persona de bes en cuando. Via ArubaDeal.com asina bo ta yuda pa tene avisonan rubrico gratis. Abou den e mail cu bo ta ricibi di nos, bo por indica cu bo no kier haya mail mas. Esey bo semper por establece tambe den bo pantaya di maneho bou di ‘mi datonan.’

11. Kico si mi no pone mi email address disponibel?
E ora ey bo tambe por pone avisonan rubrico riba ArubaDeal.com ainda. Bitnan riba bo aviso bo por mira riba e website of riba bo pantaya di maneho. Bo no lo haya email automaticamente di bo bitnan mas. Tampoco lo bo haya informacion util ni tipnan tocante ArubaDeal.com.

12. Kico ta pasa cu mi email address?
ArubaDeal.com ta usa bo email address banda di duna informacion di inovacion y adaptacion di ArubaDeal.com, tambe pa duna oferta di negoshinan (local) y informacion di gobierno y institucionan. Bo lo ricibi maximo algun biaha pa luna un mail asina. Bo email address lo wordo duna di ningun manera na otro partidonan.

13. Ki sorto di mailing mi ta ricibi via ArubaDeal.com?
Banda di informacion general di uzo util di y tocante ArubaDeal.com bo por haya de bes en cuando mailing cu bitnan di empresa. Tambe nos ta tene bo email address disponibel pa mensahenan cu un meta informativo manera mensahen di institucionan local, gobierno y fundacionan.

14. Mi no ta mira mi aviso rubrico. Nan no ta visibel of nan no ta habri. Con esey por ta?
Den mayoria di casonan e problema aki ta ser ocaciona pa e virusscanner di Norton of otro softward di Symantec. E programa aki ta mira cierto partinan di nos website como propaganda indesea, cu ta haci cu avisonan rubrico no por wordo mira of habri y cierto funcionalidadnan di e website no ta traha. Tambe botonan, bannernan y promobloc tin biaha no ta wordo mustra. E seguridad ta standard den e versionan bieu di Norton.
Solucion: recuri na e propaganda di protecion di Norton of baha e nivel di siguridad. Den e updates mas nobo e switch ya to wordo poni riba ‘off.’ Otro virusscanner no ta detecta e problemanan aki, manera e programa AntiVir, mira  HYPERLINK "http://www.free-av.com" www.free-av.com of AVG, mira  HYPERLINK "http://www.free.avg.com" www.free.avg.com cu bo por baha gratis.

15. Cuanto tempo e aviso rubrico ta keda publica?
Un aviso rubrico particular riba ArubaDeal.com ta keda 60 dia, aviso rubrico di empresa y clubnan ta keda 30 dia. Esey tambe ta e caso si mientrastanto bo a haci cambio na e contenido.
Ora cu e periodo di balides pasa, bo ta haya un email. Despues di esaki bo por pone e aviso facilmente di nobo.

16. Bo no ta logra pone un portret hunto cu mi aviso. Kico mi ta haci robes?
Bo por pone un portret hunto cu bo aviso door di primi e boton ‘drey blachi.’ Completamente abou riba e formulario di tarea. E gran mayoria di problema ta presenta ora cu e anunciado no por haya e ‘file’ corecto den su computer na unda e portret en cuestion ta warda. Warda bo aviso DI ANTEMANO, eventualmente despues di a haci e reduccion, den un map di computer cu bo por haya facil. E map ‘temp’ riba e disco di programa di bo computer  (C:temp) ta por ehempel destina pa esey. Percura pa bo portret no ta mas grandi cu 5 MB. Bor por controla esey via di Window Explorado door di primi e boton na man drechi di bo mouse riba e dato.

17. Kico mi mester haci pa pone un aviso?
Ora bo ta riba e pagina inicial di ArubaDeal.com y bo ta primi links ariba riba ‘pone bo aviso,’ bo lo bin na e ‘pantaya  di entrada.’Aki bo ta yena e datonan cu nan ta puntra. Despues nos sistema ta conecta un password duna cu bo Email adress y bo ta haya bo propio cuenta. Despues bo ta yena, abou den pantaya di entrada, bo email address y password un biaha mas y bo ta primi riba ‘login.’Bo ta drenta den e pantaya di maneho di bo avisonan. Primi riba e boton ‘avisonan nobo’ y bo ta haya un formulario di tarea. Yena tur espacio y primi riba ‘publica.’ Si bo lubida yena espacio e sistema lo mustra esaki ariba den texto cora. Ora bo a yena tur cos corectamente bo aviso lo ta publica online. Controla esaki den e avisonan mas nobo. Bo aviso ta para casi semper completamente ariba.

18. Mi a tende cu ArubaDeal.com ta haci uzo di cookies. Kico nan ta y con nan ta traha?
Cookies ta failnan chikito den cua bo datonan di surfmento di ArubaDeal.com ta wordo warda. Tambe software di p.e. banconan ta haci uzo di esaki. E no ta un virus y tampoco un spyware y no ta dañino pa bo computer. Door di haci uzo di cookies nos por percura pa bo habri ArubaDeal.com den bo idioma preferi.

19. Con mi por cambia mi email address den e sistema?
Login cu bo email address y password actual y bay na ‘bo datonan’ den e pantaya di maneho. Bou di e titulo ‘bo datonan’ bo ta haya bo email address y su tras [cambia email address]. Primi aki y un pantaya nobo ‘cambia email address’ ta habri. Yena e email address nobo dos biaha. Confirma esaki door di primi e boton ‘warda’. En adelante e sistema lo uza bo email address nobo.

20. Con mi por cambia mi email address den e sistema?
Login cu bo email address y password actual y bay na ‘bo datonan’ den e pantaya di maneho. Bou di e titulo ‘bo datonan’ bo ta haya bo password y su tras [cambia password]. Primi aki y un pantaya nobo ‘cambia password’ ta habri. Yena bo password actual prome y despues e password nobo dos biaha. Confirma esaki door di primi e boton ‘warda’. En adelante e sistema lo uza bo password nobo.

21. Mi mag di pone avisonan rubrico sin limite y cua ta e reglanan pa publica?
Como particular bo mag di pone cuanto aviso rubrico cu bo kier gratis. Negoshinan tambe por pone un cantidad ilimita di avisonan paga. Si ta asina cu ta prohibi pa un aviso casi igual of cu e mesun contenido pone directamente tras di otro. Despues un otro usario mester pone minimal un aviso. Si ese pasa bo por pone atrobe 5 avisonan tras di otro. Avisonan por wordo poni solamente den un rubrica aplicabel pues  p.e. no bicicleta den rubrica di auto y acesorionan y muebleria bou di paña y moda. E reglanan ariba menciona ta conta tanto pa aviso rubrico como pa avisonan di club.

22. Con mi ta kita un bit sin sentido?
Bo por kita un bit di bo aviso den bo pantaya di maneho. Login via ‘ maneha bo avisonan’ links ariba den bo pagina di inicio cu bo email address y password. Primi riba ‘bitnan.’ Bo lo haya un resumen di tur bitnan. Marca e bit cu bo kier kita door di primi riba e bloki dilanti di dje. Primi despues riba e texto ‘kita bit(nan).’ E bit ta kita di e website. E bitdo mes no por kita un bit cu e mes a pone.

23. Parce cu mi aviso a disparce. Con esey por ta?
Probablemente bo aviso tey ainda riba e website. Bay na e (sub)rubrica caminda bo a pone e aviso. Primi riba e titulo ariba cu letter diki of riba ‘mas aviso.’
Patras di e titulo ariba tin para entre parentesis e cantidad di avisonan cu tin den e rubrica. Bo ta haya e contenido completo di e subrubrica.  Si bo a pone bo aviso recientemente e lo tey entre nan sigur. Bo por haya bo aviso bek tambe door di scirbi (un parti di) un palabra clave di e titulo di bo aviso y primi ‘busca.’ Si bo a scirbi un aviso cu e titulo ‘bicicleta BMX nobo nobo’ e ora ey ta basta pa yena bicicleta of BMX y lo bo haya un lista di avisonan. Mas precies bo palabra clave, mas exacto e seleccion lo ta.

24. Nan a bit riba mi aviso pero m’a perde e adres di e bitdo. Mi por hay’e un caminda?
Login cu bo email address y password via di ‘maneha avisonan/ riba e pagina di inicio. Den e pantaya di maneho bo ta haya e tab ‘bitnan.’ Akibou tur e bitnan di bo avisonan tey cu email address di e bitdo y cu e bit duna. Door di primi e email address bo ta drenta den bo programa di mail.

25. Un bitdo ta obliga di berdaderamente  pa cumpra e producto cu el a bit riba dje?
Un bit riba e aviso ta nifica pa e bendedo y e cumprado cu tin indicacion cu tin interes pa e producto en cuestion. Door cu e cumprado potencial no a wak e articulo ainda den realidad, e no a evalue definitivamente. E bitnan no ta duna obligacion na bendedo y no ta mare e bitdo. Ademas ArubaDeal.com solamente ta fungi como intermediario y no como partido cu compra y benta via e website.

26. Mi no por login (mas) cu mi email address y password. Con esey por ta?
Na ArubaDeal.com bo por traha mas cuenta. Si acaso bo pone avisonan cu diferente cuentanan bo ta core e riesgo di bruha e cuentanan. Door di e bruhacion aki por pasa cu bo no par haya cierto avisonan riba cierto cuenta, simplemente pasobra bo no sa riba cua cuenta bo a pon’e. Nos conseho: uza solamente un cuenta pa bo avisonan.

27. Pakico mi no ta haya pop-ups?
E blokeo di pop-ups ta activa den bo browser.  Solucion: desactiva blokeo di pop-ups (Pa MS Windows: Extra > blokeo di Pop-ups; desactiva blokeo di pop-ups).

28. Mi no ta haya un mail confirmando mi bit. Con esey por ta?
Ora bo a haci un bit bo ta haya un mail automatico manda di e sistema na e email address di bo cuenta. Cu esaki bo por afirma of anula e bit. Si en caso bo no a ricibi e mail aki, e ta wordo ocaciona hopi biaha door di un spamfilter. Esey por ta un filter den bo sistema di computer of di bo mailprovider. Tin biaha e problema ta ser soluciona ora bo ta minimalisa e spamfilter. Controla si e mail lo por a bay den bo spambox. Como alternativa temporario bo por mail bo bit pa via di ‘manda un mail pa e anunciant’ bou di e aviso. Un hende cu ta yama ta mas lihe. Si tin un number di telefon, duna e anunciante. Bo por haci bo bit via di e telefon.
Bek na e bista general.